Misioni i Organizatës për Siguri dhe Bashkëpunim në Evropë (OSBE) ka shënuar sot 27-vjetorin e Masakrës së Reçakut, duke nderuar 45 civilët shqiptarë të vrarë në këtë ngjarje tragjike.
Në një mesazh përkujtimor, OSBE-ja ka shprehur respekt për jetët e humbura dhe ka ofruar ngushëllime të sinqerta për familjet e viktimave.
Po ashtu, organizata ka theksuar se ky përvjetor shërben si një kujtesë për detyrimin kolektiv të shoqërisë për mbrojtjen e të drejtave të njeriut, duke theksuar rëndësinë e sigurimit të llogaridhënies dhe drejtësisë për të gjithë.
Masakra e Reçakut mbetet një nga krimet më të rënda të luftës në Kosovë dhe një moment kyç në ndërgjegjësimin e opinionit ndërkombëtar për krimet e kryera ndaj civilëve shqiptarë.
