Kryeministri i Kosovës, Albin Kurti, bashkë me zëvendëskryeministrin e Republikës se Kosovës, Besnik Bislimi, pritën në takim sot përfaqësuesit diplomatikë të shteteve të QUINT-it dhe Bashkimit Evropian.
Sipas komunikatës së Zyrës së Kryeministrit në këtë takim është diskutuar për situatën e sigurisë dhe kërkesën e Serbisë drejtuar OSBE-së për mbajtjen e zgjedhjeve në Kosovë.
Kryeministri Kurti siç thuhet në komunikatë ka ripërseritur qëndrimin e tij se Serbia për këtë çështje duhet të bëjë kërkesë në institucionet e Kosovës.
“Kryeministri theksoi se për këtë çështje ai ka informuar tashmë OSBE-në se për organizim të votimeve jashtë Zyrës Ndërlidhëse të Serbisë në Prishtinë është e nevojshme një marrëveshje ndër-shtetërore dhe se kërkesa për një marrëveshje të tillë duhet të vijë nga Serbia si palë e interesuar”, ka thënë Kurti.
Kurti siç thuhet në komunikatë, shprehu keqardhjen e tij për mungesën e gatishmërisë se Serbisë për një marrëveshje të tillë që do të ju mundësonte shtetasve të Republikës së Kosovës që kanë edhe shtetësinë e Serbisë të marrin pjesë në zgjedhje sipas praktikave më të mira evropiane ndërshtetërore për votim nga jashtë vendit.
Zgjedhjet parlamentare në Serbi do të mbahet më 18 dhjetor./teve1.info/
