Shefi i Zyrës së Bashkimit Evropian në Kosovë, Aivo Orav ka kujtuar rreshterin, Afrim Bunjaku në dy vjetorin e vrasjes së tij në Banjskë të Zveçanit gjatë sulmit terrorist nga forcat serbe.
Përmes një postimi në X, ai ka kërkuar nga institucionet e Serbisë t’i sjellin para drejtësisë autorët e këtij sulmi.
“Shpreha respektin tim për policin e Kosovës, Afrim Bunjaku, i vrarë në sulmin e tmerrshëm në Banjskë dy vjet më parë. Autorët e sulmit duhet të mbahen përgjegjës”, shkroi Orav.
Ai theksoi se BE-ja pret që autoritetet serbe të arrestojnë dhe ndjekin penalisht personat që gjenden në Serbi, si dhe t’i përgjigjen kërkesës së Kosovës për ndihmë të ndërsjellë juridike./teve1.info/
