Ambasadori i Bashkimit Evropian në Kosovë, Aivo Orav, ka mirëpritur zhvillimin paqësor, konkurrues dhe gjithëpërfshirës të raundit të parë të zgjedhjeve lokale të mbajtura të dielën në Kosovë.
Përmes një postimi në Facebook, ai ka vlerësuar pjesëmarrjen e të gjitha komuniteteve dhe ka theksuar se mbulimi mediatik i lirë, i drejtë dhe gjithëpërfshirës ka kontribuar në një proces zgjedhor transparent.
“Ambasadori i BE-së, Aivo Orav, ka mirëpritur sot zhvillimin paqësor, konkurrues dhe gjithëpërfshirës të raundit të parë të zgjedhjeve lokale në Kosovë, me pjesëmarrjen e të gjitha komuniteteve, duke vënë në dukje se mbulimi mediatik i lirë, drejtë dhe gjithëpërfshirës kontribuoi në një proces zgjedhor transparent dhe se e njëjta pritet edhe në raundin e dytë të zgjedhjeve”, është shkruar në faqen e Misionit të BE-së në Kosovë.
