Të hënën përmes një videoje, kjo parti sërish fajësoi të gjithë partitë tjera duke thënë se janë bashkuar për ta sabotuar shtetin përmes organizmave të kapur.
Por deputeti i PDK-së, Hisen Berisha thotë se në 20 vite pas luftës ka pasur shumë arritje, e për të cilat meritat i shkojnë partive e njerëzve që kanë qeverisur.
“Vetëm brenda një mandati ka pas 340 shkolla janë ndërtuar që e ka mbuluar komplet sektorin e arsimit, ambulanta, spitalet janë rikthyer në funksion, gjashtë qendra komunale edhe universitete që mos me i torturua qytetarët, rritje page, rritje të zhvillimit ekonomik…”, tha Berisha.
Sipas tij, partia në pushtet është e interesuar që të prodhojë kriza në pamundësi të zgjidhjes së problemeve reale.
“Kjo video dëshmon se këta njerëz janë të dirigjuar, atashuar e sponsorizuar nga qarqe që nuk e dojnë Kosovën shtet stabil”, shtoi Berisha.
Se partia në pushtet po mundon që dështimin në qeverisje ta mbulojë me akuza drejtuar opozitës, e thotë edhe ish-deputetja e VV-së.
‘Nuk kemi parë fillimin e asnjë reforme të premtuar, punësim dhe drejtësi ende nuk po shohim dhe për këtë arsye mendoj se po mundohet t’ua sjell në mendje qytetarëve se sa keq ka qenë në të kaluarën në mënyrë që ata pastaj të zgjasin pritjet që kanë për qeverisjen e Vetëvendosjes”, tha Shqipe Pantina, ish-deputete e Vetëvendosjes.
Së fundmi Qeveria po refuzon t’ia ekzekutojë pagat mësimdhënësve që u përfshinë në grevë e një veprim i tillë po kundërshtohet nga shoqëria civile e opozita.
Kronika e gazetarit Gojart Jashari.
