Është pika artistike që e përgatitën për ditën e shkollës.
E pas saj, nxënësit e shkollës fillore “Hasan Ramadani”, iu kthyen mësimit.
Por, objekti i shkollës së vjetër në Shajkoc të Podujevës, nuk po i plotëson më kushtet për mësim.
“Nga mungesa e hapësirë së mjaftueshme, na është dashur me punu shumë herë me tri ndërrime. Edhe sot e kësaj ditë, që 40 vjet që punoj, edhe si mësimdhënës edhe tash si drejtor, më është dashur të punoj me tri ndërrime”, tha Shaban Rudari – drejtor i shkollës “Hasan Ramadani”
E një tjetër shqetësim, është ballafaqimi i vazhdueshëm me mykun.
Por, krejt këtyre problemeve së shpejti pritet t’u vije fundi.
Në oborrin e shkollës së vjetër në Shajkoc, të mërkurën u hodh gurthemeli për shkollën e re.
E këtë e bëri, i pari i Komunës së Podujevës, Shpejtim Bulliqi.
“Është diku në vlerë prej 600 mijë euro përafërsisht, që është komplet buxhet i komunës, por njëkohësisht do ta vendosim gurthemelin edhe të shkollës së mesme ekonomike”, tha Bulliqi.
Bulliqi pati edhe një porosi për kompaninë që do ta ndërtojë objektin e ri shkollor.
Shkollën e re me padurim, po e presin nxënësit.
“Unë jam gëzuar shumë që ka me u ndreq shkolla e re”, tha Jana Musolli- nxënese.
Nisja e punimeve për ndërtimin e shkollës së re, erdhi në Ditën e Çlirimit të Podujevës.
Ndërsa punimet pritet të zgjatin dy vjet.
