Lajmin për dorëzimin e tij e ka konfirmuar për teve1.info, zëdhënësi i Prokurorisë Themelore në Mitrovicë, Valon Preteni.
Sipas një komunikate të Prokurorisë vendimi për ndalim të Lushtuakut është marrë pas provave të mjaftueshme.
Prokuroria po ashtu ka paralajmëruar se do të kërkojë paraburgim për Lushtakun.
“Pas grumbullimit të provave të mjaftueshme për këtë rast, prokurori kujdestar i Prokurorisë Themelore në Mitrovicë ka lëshuar vendimin për ndalim për të dyshuarin N.L., por i njëjti ende nuk është hasur nga policia dhe është në kërkim. Posa të arrestohet, ndaj të njëjtit do të paraqitet kërkesa për caktimin e masës së paraburgimit për shkak të veprave të lartcekura penale”, thuhet në komunikatë.
Ndërsa, ndaj dy të dyshuarave tjerë F.L dhe A.L, është kërkuar caktimi i masës së paraburgimit
“Ekziston dyshimi i bazuar se të dyshuarit F.L., A.L., dhe N.L.,me datë 02korrik 2022 rreth orës 23:45 në Skenderaj, kanë sulmuar dy zyrtarë policorë të Stacionit Policor në Skenderaj me iniciale E.B., dhe M.G.,që kanë qenë në detyrë zyrtare, dhe gjatë sulmit ka rezultuar me lëndime të zyrtarëve policorë, dhe njëri zyrtar policor është goditur me predhë të armës në këmbë”.
Dy pjesëtarë të PK-së janë sulmuar të shtunën në mbrëmje nga 4 të dyshuarit të afërm të Nuredin Lushtaku.
Sipas PK-së e gjitha ndodhi pasi zyrtarët policorë u kishin shkruar atyre një gjobë trafiku./teve1.info.
