Është akti më i lartë juridik i shtetit.
Por jo gjithmonë zbatohen në përpikmëri ato që përcaktohen në të.
Përgjatë qeverisjes Kurti, pati edhe raste kur anëtarë të kabinetit ekzekutiv shkelën Kushtetutën.
Brenda këtij viti si jokushtetuese u vlerësua Ligji për Këshillin Prokurorial dhe Ligji për Paga.
Kështu, si vit sfidues po konsiderohet për respektimin e Kushtetutës, sidomos tek pjesa e hartimit të reformës në drejtësi.
“Vet Gjykata Kushtetuese ka sqaruar që qeveria nëpërmjet ligjit të pagave ka ndërhyrë në pavarësinë e sistemit gjyqësor. Po ashtu, mos ta harrojmë çështjen e deklarimeve publike që i kanë bërë shumë akterë institucional në Kosovë, përfshirë kryeministrin e ministren e Drejtësisë, e cila vazhdimisht nëpërmjet konferencave apo komunikatave për media ka atakuar sistemin gjyqësor e prokurorial, ku së fundmi kanë atakuar edhe vet Gjykatën Kushtetuese, sepse e kanë cilësuar si një pengesë për reforma në drejtësi”, thotë Vullnet Buqaku nga Instituti Demokratik i Kosows.
Megjithatë, vlerësohet se Kosova qëndron më mirë në këtë aspekt, krahasuar me vendet e rajonit.
“Autoritetet qendrore, presidenti e qeveria dhe gjitha autoritetet zyrtare kanë për detyrë ta respektojnë Kushtetutën. Individët nuk e shkelin Kushtetutën, kryesisht e shkelin autoritetet e shtetit. Qeveria e Republikës së Kosovës nganjëherë në këto situata të shkeljes së Kushtetutës janë në përmasa të marrjes së dënimit të tyre. Përndryshe në përgjithësi, autoritetet e shtetit në
Kosovë në raport me shtetet përreth, janë më së paku që e shkelin Kushtetutën”, shprehet Kadri Kryeziu , ish- kryetar i Gjykatës Kushtetuese.
Filtrin e Kushtetueses janë duke e kaluar edhe Ligji për Byron, Ligji për Zyrtarët Publikë dhe Ligji për vendojsen e çmimeve tavan për produktete esenciale.
