Qarkullimi i veturave në pikën kufitare në Merdare është i ulët, përcjell teve1.info
Gazetari i Tëvë 1, Arton Rama bën të ditur se në këtë pikëkalim, vetura me targa serbe po hyjnë në Kosovë.
Sipas njoftimit të Ministrisë së Punëve të Jashtme, në territorin e Serbisë, në afërsi të pikave kufitare në Jarinjë dhe në Merdare, për shkak të protestave që po mbahen, nuk është i mundur kalimi i autobusëve dhe kamionëve që vijnë nga Kosova. Po ashtu i sigurt nuk është as kalimi i veturave.
MPJD i ka bërë thirrje qytetarëve që të shfrytëzojnë rrugë tjera për të mbërritur në Kosovë.
Tëvë 1 raportoi mbrëmë se disa qytetarë serbë kanë bllokuar qarkullimin e makinave në fshatin Rudar të Leskocit, rreth 20 kilometra larg kufirit me Kosovën.
Në një video dërguar teve1.info shihet kolona me automjete të cilat presin, në pamundësi për të vazhduar drejt pikës kufitare në Merdarë. /Teve1.info/
