Shembullin e Graçanicës në zgjedhjet lokale të 12 tetorit nuk do e ndjekin partitë shqiptare të Artanës.
Kjo pasi Vetëvendosje, Partia Demokratike e Kosovës, Lidhja Demokratike e Kosovës dhe Aleanca për Ardhmërinë e Kosovës nuk arritën të bëheshin bashkë në një listë.
Tentativa për ujdi pati, por jo edhe rezultate.
Sipas kandidatit të Vetëvendosjes për këtë komunë, Abdyl Gashi, kjo parti tentoi dy herë për unifikim por nuk ia arriti.
Por kështu nuk thotë kandidati i Lidhjes Demokratike të Kosovës atje, Bajrush Ymeri.
Ymeri që ka pozitën e nënkryetarit në këtë komunë thotë se është i gatshëm ende për një marrëveshje.
Të gatshëm për bashkëpunim ishin edhe nga Partia Demokratike e Kosovës.
Por, kandidati i tyre, Selatin Nuhiu thotë se do të përkrahin një kandidat jashtë partive politike.
Televizioni ka tentuar të marrë një qëndrim edhe nga AAK, por zyrtarë të këtij subjekti nuk kanë kthyer përgjigje.
Komuna e Artanës është me shumicë serbe.
Rreth 60% e banorëve janë nga komuniteti serbë dhe 40 të tjerë shqiptarë.
