Selmanaj ka shkruar se ky projektligj kishte për qëllim që të njihte të drejtën e stazhit të punës për periudhën 1990-1999 dhe rrjedhimisht të drejtën në pension kontributiv për këto vite sa Kosova ishte nën pushtimin serb.
“Për kujtesë, pas njohjes së stazhit të mësimdhënësve, aktualisht kanë mbetur edhe rreth 11 mijë pensionistë kontribut pagues që diskriminohen nga ligji që sot aplikohet në Kosovë. Mos te harrojmë që një numër i madh i tyre tashmë kanë vdekur dhe shumë prej të tjerëve janë në moshë të shtyrë dhe duke pritur fundin e këtij diskriminimi irracional”, ka shkruar Selmanaj.
“Ky diskriminim, nxjerr konkludime absurde se si politika jonë i ka trajtuar dhe po vazhdon ti trajtoj një numër kaq të madh të qytetarëve tonë, për shkak se kanë zgjedhur të mos punojnë nën regjimin pushtues serb”, ka shkruar ai.
