Nottingham Forest ka ndërprerë serinë prej pesë ndeshjesh pa fitore në Premierligë, duke e mposhtur Manchester Cityn me rezultat 3-1 në “City Ground”.
Vendasit e nisën ndeshjen në mënyrë fantastike dhe kaluan në epërsi në minutën e 6-të, kur Jair Cunha shënoi pas një gabimi të Josko Gvardiolit.
Forest e dyfishoi epërsinë përmes Liam Delapit, i cili realizoi një gol të bukur pas një kundërsulmi të shpejtë, duke e vështirësuar edhe më shumë misionin e skuadrës së Pep Guardiolës.
Manchester City reagoi në pjesën e dytë dhe ngushtoi rezultatin në 2-1 në minutën e 52-të, me Rayan Cherkin, i cili shënoi me një goditje të fuqishme nga distanca.
Megjithatë, shpresat e mysafirëve për rikthim u shuan në minutat e mëvonshme, kur Delap shënoi golin e tij të dytë personal dhe të tretin për Nottingham Forest, pas një tjetër kundërsulmi të shpejtë.
Kjo ishte humbja e tretë radhazi në Premierligë për Manchester Cityn, që humbi edhe më shumë terren në garën për titullin, ndërsa fitorja e ndihmoi Nottingham Forestin të largohej nga zona e rënies nga liga.
City mbetet në 21 pikë të tubuara, me shtatë fitore dhe tri humbje nga 10 ndeshjet e para, teksa tashmë e rrezikon edhe vendin e dytë, në rast fitoreje të Brightonit.
Ndërkohë, Nottinghami është i 16-ti me nëntë pikë.
