Të shumta i ka deklaratat për Kosovën.
E aty nuk mungojnë edhe kërcënimet.
Të tilla dha ditë më parë presidenti serb, Aleksandar Vuçiq.
E të njëjtat po i sheh shqetësuese, kryeministri i vendit, Albin Kurti.
Me këtë rast, gjatë një interviste për gazetën prestigjioze britanike “The Telegraph”, ai kërkoi shtimin e trupave britanezë në Kosovë.
“Britania duhet të dërgojë më shumë trupa në Kosovë për të parandaluar luftën në Ballkanin Perëndimor, ekziston vetëm një prani simbolike e NATO-s në komb dhe nuk do të mjaftojë për të parandaluar një pushtim nga Serbia”, thotë Ramadani.
E kërcënimet e Vuçiqit, njohësi i sigurisë, Burim Ramadani po i sheh si të qëllimshme për të mbajtur të tensionuar situatën në Kosovë.
“ Kjo është në vazhdën e kërcënimeve ndoshta më shumë se 100 kërcënime që i ka bërë gjatë këtyre shtatë-tetë viteve të fundit dhe të cilat e kanë tensionuar situatën në Ballkan, e cila i është vendosur në shërbim federatës ruse dhe Putinit, që ta mbanë situatën të tensionuar në Ballkan”, vlerëson ai.
Sipas tij një sulm i ngjashëm si ai në Banjskë, mund të ndodhë përsëri.
“Sidomos në këtë kohë, në periudhën e tashme kur pothuajse e gjithë bota është në zgjedhje edhe SHBA-të, edhe BE-ja, edhe disa vende në rajon dhe Serbia që e ka përfunduar një pjesë të zgjedhjeve mbetet mëtutje në zgjedhjet në Beograd, synon të vendos vëmendjen në sigurinë e Ballkanit dhe jo në politikat brendshme”, ka thënë Ramadani për Tëvë 1
E njëjtë nuk mendon profesori i Kriminalistikës dhe njohësi i sigurisë, Fatmir Çollaku.
“Kërcënimet e Serbisë që vinë nga Serbia nuk janë të reja, në këtë rast nga presidenti i Serbisë, Vuçiq, pra ai është një praktikë e kahershme e kërcënimeve, shantazhimeve që i bëjnë Republikës së Kosovës, por në realitet ato kërcënime mbesin vec në frazeologjinë e tij në atë diskursin e tij agresiv dhe kërcënues, nuk pritet dhe nuk do të ketë ndonjë sulm të tillë”, thotë Çollaku.
Kërcënimet nga Serbia filluan të rriten pas vendimit të fundit nga BQK-ja, për çështjen e dinarit.
