Një shtetase e huaj është gjetur pa shenja jete në shtëpinë e saj në Pejë, kanë bërë të ditur autoritetet.
Sipas raportit të policisë, në vendin e ngjarjes kanë dalë njësitë përkatëse policore si dhe ekipi mjekësor, të cilët kanë konstatuar vdekjen e viktimës.
“Është raportuar se një femër shtetase e huaj ka ndërruar jetë në shtëpinë e saj. Në vendin e ngjarjes kanë dalë njësitë policore dhe ekipi mjekësor, të cilët kanë konstatuar vdekjen e saj,” thuhet në njoftimin e policisë.
Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion.
“Me vendim të prokurorit trupi i pajetë është dërguar në IML për obduksion. Rasti është iniciuar si vdekje e dyshimtë dhe është duke u hetuar,” thuhet më tej në raport.
Autoritetet nuk kanë dhënë ende detaje shtesë lidhur me rrethanat e këtij rasti.
