Një person është plagosur me armë zjarri të dielën në mëngjes në rrugën “Anton Çetta” në Prishtinë.
Lajmi është bërë i ditur nga Policia e Kosovës.
Zëdhënësja, Flora Ahmeti tha se për rastin kanë marrë informacion rreth orës 06:00. Ndërsa që i plagosuri është dërguar për tretman mjekësor në Prishtinë.
“Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen, ku dyshohet se nga një person është plagosur me armë zjarri dhe i njëjti është dërguar për tretman mjekësor”, ka thënë Ahmeti për teve1.info.
Ajo tha se hetuesit policor në koordinim me prokurorinë, po ndërmarrin veprimet hetimore për ndriçimin e plotë të rastit.
