Dyert e familjes Pira janë hapur për kryeshëndoshë.
Kjo meqë mbrëmjen e së martës, kjo familje u godit nga një tragjedi.
Kryefamiljari i tyre, humbi jetën pas stuhisë që kaploi Pozheranin e Vitisë.
E gjithë ngjarja dyshohet se ndodhi, kur 61-vjeçari rrëshqiti në dyshemenë e lagur të ballkonit.
Për shkak të gjendjes së rëndë emocionale, detaje më shumë të mërkurën, para kamerës nuk dhanë familjarët.
Ndërsa rastin e ka konfirmuar edhe Policia e Kosovës, e cila tha se viktima kishte pësuar lëndime të rënda në kokë.
E nga moti i ligë të martën, e pësoi edhe Fuad Zuka nga i njëjti fshat.
Ky i fundit po punonte në shkollë, kur erërat e forta i hoqën çatinë nga ku ra një tjegull.
Ai thotë se dalja jashtë e shpëtoi nga një fatkeqësi më e madhe.
E përpos lëndimeve, dëme materiale nga stuhia e së martës u shënuan në gjithë Komunën e Vitisë.
Drejtori i Emergjencave në Viti,Arton Musliu thotë se u mungoi ndihma nga nivelin qendror.
E përpos Komunës së Vitisë, erërat e forta dhe rrebeshet e shiut kanë shkaktuar dëmë edhe në qytetet e tjera të vendit.
