Një person ka humbur jetën dhe një tjetër është lënduar rëndë si pasojë e një aksidenti që ka ndodhur në fshatin Radac të Pejës, sot në orët e hershme të mëngjesit, raporton teve1.info
Policia e Kosovës ka bërë të ditur se vetura ka dalë nga rruga dhe ka rënë në lumin Drini i Bardhë, derisa qytetarë rasti kanë arritur që nga vetura t’i nxjerrin dy persona.
Në vendin e ngjarjes kanë arritur zjarrfikësit dhe autoambulanca, ku nga ekipi mjekësor është konstatuar se njëri nga të lënduarit ishte pa shenja jete.
Tutje, policia thotë se i lënduari është dërguar për tretman mjekësor me autoambulancë në Spitalin Rajonal të Pejës.
Ndërkohë, me urdhër të prokurorit të shtetit trupi i pajetë i viktimës është dërguar në Institutin e Mjekësisë Ligjore në Prishtinë, për Obduksion./teve1.info/
