Një incident është raportuar sot pasdite në rrugën “Metush Krasniqi” në Fushë Kosovë, ku një person ka mbetur i lënduar si pasojë e përdorimit të një mjeti të mprehtë.
I lënduari është dërguar për trajtim mjekësor, ndërsa policia ka ndërmarrë veprime të menjëhershme dhe ka arrestuar një person të dyshuar në lidhje me rastin.
Lajmin e ka konfirmuar për Tëvë1 zëdhënësja e Policisë për rajonin e Prishtinës, Flora Ahmeti.
“Sot rreth orës 15 :40, kemi marrë informatën për një lëndim trupor të ndodhur në rrugën Metush Krasniqi në Fushë Kosovë. Bazuar në të dhënat fillestare, në këtë rast nga një mjet i mprehtë është lënduar një person. I njëjti është dërguar për trajtim mjekësor, ndërkohë që policia ka arrestuar një person të dyshuar lidhur me këtë rast. Hetuesit policor në koordinim me prokurorinë janë duke punuar për sqarimin e rrethanave të këtij rasti”, tha Ahmeti.
Policia dhe prokuroria po vazhdojnë hetimet për të zbardhur motivet dhe rrethanat që çuan deri te ky incident.
