U pozicionuan në shesh të Podujevës.
Jo për ndonjë operacion policor, por me një qëllim krejt ndryshe natyrës së punës së përditshme të Policisë.
Megjithatë synimi ishte përforcimi i besimit mes policisë dhe komunitetit.
“E kemi organizuar këtë event që është i pari që mbahet në Kosovë “Një kafe me Policinë”. Qëllimi i këtij eventi është që Policia të jetë sa më afër qytetarit dhe komunitetit. Edhe pse në si Polici e konsiderojmë komunitetin si pjesë e sukseseve tona të punës”, tha rreshteri Nazim Veseli.
Këtë rast e shfrytëzuan edhe fëmijët për fotografi me pjesëtarë të Policisë.
Policët dhanë edhe këshilla.
Organizimit iu bashkua edhe njësiti elitar i Policisë së Kosovës, NJSO.
Për “Një kafe me Policinë”, pati interesim të qytetarëve.
Pjesëmarrësve në organizim iu ofrohej pije në vazhdimësi.
Kureshtar ishin edhe policët nëse ka interesim nga të rinjtë që në të ardhmen ti bashkohen Policisë së Kosovës.
Ky organizim erdhi si bashkëpunim mes Policisë, Kuvendit Komunal dhe OJQ-së “Oaktiv”.
