Prokuroria Themelore në Pejë sot në një aksion ka sekuestruar më shumë se një ton drogë në Pejë.
E për këtë çështje në një konferencë për media, prokurori Ersen Qavolli ka thënë se vlera e tyre ka qenë rreth 5 milionë euro.
“Nëse i kthehemi në para, vlera e tyre është rreth 5 milionë euro, ky plan është zbatuar përmes punës së mirë të drejtorisë për hetime të narkotikëve në Pejë”, ka deklaruar prokurori.
Derisa, ai tha se ky plan është zbatuar përmes punës së mirë të drejtorisë për hetime të narkotikëve në Pejë.
E shefi i njësitit për luftimin me narkotikë, Astrit Jasiqi ka thënë se ky hetim ka qenë i gjatë më shumë se dy muaj.
“Këto dy lokacione që ne kemi bërë veprime hetimore janë lokacione të përmasave të mëdhaja të kultivimit të bimës së kanabisit, si përfundimtar është produkti marihuanë. Ka qenë një hetim i gjatë më shumë se dy muaj i koordinuar në aspektin hetimor”, tha Jasiqi.
Të pyetur për personat e arrestuar, Qavolli deklaroi se një person është arrestuar, ndërsa më shumë se gjashtë persona të dyshuar janë në fazën e kërkimit dhe indetifikimit nga njësitë policore.
“Kemi edhe persona të tjerë të dyshuar që janë në fazën e kërkimit dhe indetifikimit nga njësitë policore. Ne vetëm i kemi dyshimet tona se cilët janë personat e dyshuar të cilët për momentin janë në arrati, mirëpo janë shpallur në kërkim nga policia e Kosovës dhe jam i bindur që shumë shpejt do t`i arrestojmë ata. Një person tashmë është arrestuar, për momentin ne i kemi në kërkim për më tepër se gjashtë persona”, shtoi Qavolli./teve1.info/
