Shkencëtarët raportuan të hënën se vëzhgimet nga Teleskopi Hapësinor Hubble kanë konfirmuar se Uranit i duhen 17 orë, 14 minuta dhe 52 sekonda për të kryer një rrotullim të plotë. Kjo është 28 sekonda më e gjatë se sa vlerësimet nga anija kozmike Voyager 2 e NASA-s në vitet 1980.
Një ekip i udhëhequr nga francezët studiuan vëzhgimet e aurorës për një dekadë në gjigantin e akullit për të gjurmuar polet e tij magnetike.
Ky gjurmim afatgjatë siguroi një periudhë më të saktë rrotullimi për Uranin, planetin e shtatë nga dielli. Nga kjo distancë, Uranit i duhen rreth 84 vite tokësore që të rrotullohet rreth diellit.
“Vëzhgimet e vazhdueshme nga Hubble ishin vendimtare,” tha autori kryesor Laurent Lamy i Observatorit të Parisit në një deklaratë, raporton AP.
Lamy dhe ekipi i tij ndërkombëtar thanë se kjo qasje e re mund të ndihmojë në përcaktimin e rrotullimit të çdo bote me aurora dhe magnetosferë.
Të publikuara në revistën Nature Astronomy, gjetjet vijnë disa javë përpara 35 vjetorit të lëshimit të Hubble. Anija hapësinore e NASA-s Discovery dërgoi teleskopin hapësinor në orbitë më 24 prill 1990.
