Një delegacion i Grupit të Evropës Juglindore në Parlamentin gjerman po qëndron në Kosovë, raporton teve1.info
Të premten ata u pritën nga Komisioni parlamentar për Punë të Jashtme në Kuvendin e Kosovës.
Pas takimit të mbyllur për medie, kryetarja e këtij komisioni, Arbëreshë Kryeziu-Hyseni, tha para gazetarëve se në këtë takim u diskutua për sigurinë në Ballkanin Perëndimor.
“Ideja e tyre është të takohen me deputetë të shtetit të Ballkanit Perëndimor për të diskutuar për zhvillimet aktuale dhe ideja është që të sigurohet rregullimi krijimit të stabilitetit dhe paqes për shtetet që janë pjesë e Ballkanit perëndimor. Ne sot më këta përfaqësues kemi diskutuar për situatën aktuale që është në Republikën e Kosovës dhe më vjen mirë që edhe njëherë tjetër të dëgjojmë nga përfaqësuesit e Gjermanisë për mbështetjen e madhe në na ka dhënë”, tha deputetja Kryeziu-Hyseni.
