Një burrë dhe dy gra njëra me shtetësi të huaj janë arrestuar në fshatin Gramaçel në Deçan pasi në pronat e tyre janë gjetur dhe sekuestruar armë zjarri, fishekë, pajisje për mirëmbajtje të armëve, thika e substanca narkotike.
Poashtu siç ka njoftuar policia janë sekuestruar edhe dy automjet për shmangie doganore.
“Janë arrestuar tre të dyshuar, një mashkull kosovar dhe dy femra, njëra kosovare dhe tjetra me shtetësi të huaj, pasi që gjatë bastisjes në pronat e tyre janë gjetur dhe konfiskuar; një pistoletë (me leje) me 16 fishekë, një pushkë, një pistoletë (me leje) me karikator dhe me 24 fishekë, pajisje për mirëmbajtje të armëve, një pushkë, gjithsej 110 fishekë të kalibrave të ndryshëm, katër thika si dhe sasi të vogla substancë të dyshuar narkotike të llojit marihuanë me peshë rreth 1.5 gram. Po ashtu, janë sekuestruar dy automjete për shmangie doganore, të cilat janë proceduar tek Dogana e Kosovës”, thuhet në raportin 24- orësh të PK-së.
Pas intervistimit, me vendim të prokurorit të dyshuarit janë liruar në procedurë të rregullt./teve1.info/
