Nitaj në emisionin “Këndi i Debatit” në Tëvë1 tha se kjo Qeveri as në të kaluarën nuk ka qenë dhe as tani nuk është interesuar ta kalojë këtë ligj.
Sipas tij, nëse Qeveria kohë më parë ka pasur mundësi që me procedurë urgjente ta kalonte në Kuvend këtë ligj.
“Sikur kjo Qeveri të kishte qenë e interesuar ta kalonte Ligjin e Pagave, kjo ka pasur mundësi t’i bëjë korrigjimet e nevojshme, ndryshimet e nevojshme, të domosdoshme ose ato që janë kërkuar nga Gjykata Kushtetuese. Ka pasur mundësi që me procedurë urgjente ta kalonte në Kuvendin e Kosovës. Kjo nuk ka qenë e interesuar ta kalojë Ligjin e Pagave, duket që nuk është e interesuar as tani ta bëjë të njëjtën punë”, tha Nitaj.
Më tej teksa e komentoi situatën e krijuar me grevën e mësimdhënësve dhe mosekzekutimin e pagave të tyre, Nitaj theksoi se e gjithë kjo ka ndodhur si pasojë e mosmiratimit të Ligjit për Paga.
“Prandaj e kemi situatën çfare e kemi edhe me grevën e mësimdhënësve edhe me mospagesën e pagave për mësimdhënësit dhe shërbyesit tjerë civilë. E kemi këtë krizë financiare dhe këtë ngërç dhe këtë luftë të pashpjegueshme edhe sociale ekonomike, por edhe politike si pasojë e mosmiratimit të Ligjit për Paga”, deklaroi Nitaj./Teve1.info/
