Në qytetin e Zubin Potokut kanë nisur të grumbullohen qytetarë, përderisa raportohet për situatë të qetë atje.
REL shkruan se tash për tash është mbledhur një numër i vogël protestuesish serbë. Objektin e komunës është duke e ruajtur Policia e Kosovës, ndërsa forca të KFOR-it tash për tash nuk shihen.
Po ashtu, edhe në Zveçan kanë nisur të grumbullohen qytetarë që nga orët e para të mëngjesit, por në numër më të vogël se dje.
Punonjësit e Autoritetit të Përkohshëm të Komunës së Zveçanit, që funksionon nën sistemin e Serbisë, janë duke u regjistruar në listën e të punësuarve që është vendosur në një tavolinë, si dëshmi “që vijnë në punë”.
