Kanë nisur sot punimet për realizimin e projektit “Stabilizimi i rrëshqitjes në rrugën R104 Klinë–Gurrakoc, km 1+200”, një investim i Ministrisë së Infrastrukturës dhe Transportit që synon rritjen e sigurisë në këtë segment rrugor.
Sipas njoftimit të ministrisë, vlera e projektit arrin në 373,614.26 euro.
Përmes këtij investimi do të bëhet stabilizimi i terrenit dhe përmirësimi i sigurisë së qarkullimit në një nga pikat më të ndjeshme të infrastrukturës rrugore në këtë zonë.
“Ministria e Infrastrukturës dhe Transportit mbetet e përkushtuar në realizimin e projekteve që rrisin sigurinë dhe përmirësojnë cilësinë e rrjetit rrugor në të gjithë vendin”, thuhet në njoftimin e ministrisë./teve1.info/
