Përmes një njoftimi për media, ME-ja ka kërkuar edhe angazhimin e Autoritetit të Konkurrencës, që ka kompetencë për të hetuar dhe për të parandaluar kartelet dhe keqpërdorimin e pozitës dominuese.
“Kjo ka për qëllim sigurimin e zbatimit të efektshëm të masave të subvencionimit, duke parandaluar ngritjen e çmimeve të pajisjeve, për të mbrojtur qytetarët si përfitues të subvencionit si dhe buxhetin e shtetit”, thuhet në komunikatë.
Po ashtu, ME-ja ka ftuar qytetarët që në rastet kur vërejnë manipulime me çmime ose parregullsi të tjera, t’i raportojnë te Departamenti për Mbrojtjen e Konsumatorit.
Më 6 tetor, janë ndërmarrë masat për subvencionim të pajisjeve efiçiente të energjisë për qytetarët. /teve1.info/
