Federata e Çiklizmit e Kosovës ka nis sot garën ndërkombëtare “Tour of Kosova 2025”, e cila do të zgjasë deri më 6 shtator.
Kjo garë zhvillohet në kuadër të kategorisë 2.2 të Unionit Ndërkombëtar të Çiklizmit (UCI), duke e bërë atë një ngjarje të rëndësishme në kalendarin sportiv ndërkombëtar. Starti i edicionit të sivjetshëm nis sot në ora 12:00 nga sheshi “Ibrahim Rugova” në Prishtinë, ndërsa itinerari i garës përfshin autostradën “Ibrahim Rugova” dhe autostradën “Arbën Xhaferi”.
Në këtë aktivitet pritet të marrin pjesë qindra çiklistë nga vende të ndryshme, ndërsa Komiteti Olimpik i Kosovës ka uruar fat dhe suksese përfaqësuesve kosovarë në këtë garë prestigjioze.
