Ka nisur seanca gjyqësore për rastin e sulmit në Banjskë ndaj të akuzuarve Blagoje Spasojeviq, Vladimir Toliq dhe Dushan Maksimoviq.
Pas avancimit të gjyqtarit Arben Hoti në Gjykatën e Apelit, ka pasur ndryshime në përbërjen e trupit gjykues. Kryetar i trupit gjykues është caktuar gjyqtari Ngadhnjim Arrni, ndërsa anëtarë janë Donikë Shala Avdyli dhe Rrahman Beqiri.
Me këtë rast, gjatë seancës së sotme, të akuzuarit janë pyetur sërish lidhur me fajësinë, mirëpo ata i kanë mohuar akuzat ndaj tyre.
Seancat gjyqësore për këtë rast pritet të vazhdojnë edhe në ditët në vijim.
Ndryshe, Prokuroria Speciale, më 11 shtator 2024 ka ngritur aktakuzë kundër Milan Radoiçiqit dhe 44 të tjerëve, për sulmin terrorist të 24 shtatorit 2023 në Banjskë të Zveçanit.
