Me 7 qershor, iu drejtuan kutive të votimit.
Në këtë formë, qytetarët e dhanë votën e tyre, në zgjedhjet e parakohshme parlamentare.
Pavarësisht kësaj, vota e tyre mund të kërkohet sërish nga politikanët.
Kjo meqë këta të fundit, nuk arritën të merren vesh për çështjen e presidentit, as në seancën konstituive për legjislaturën e 11-të.
Kjo e fundit u ndërpre të enjten pas betimit të deputetëve.
E kjo, duket se i ka zhgënjyer qytetarët.
“Kjo është absurde hajt nihere e hajt dy here veç u bo shumë here zgjedhje e parlament dmth popullata jo e vetdijëshme. Heren e kalume s’kam dal në zgjedhje edhe tash nuk dal fare edhe iu kisha apelu krejt qytetareve që mos me dal mo”, deklaroi qytetari nga Prishtina, Naim Nishori.
“Në parlament shifet se nuk dojn vec me blloku opozita tash Albini i ka fitu zgjedhjet mirë e keq tash duhet me ju bashkëngjit edhe kryetarin me zgjedh. Unë kom dal herën e parë herën e dytë unë jam mërzit tu dal në zgjedhje”, tha qytetari Murtez Rizani.
E një tjetër qytetar, thotë se mosmarrëveshjet mes partive po dëmtojnë edhe imazhin e vendit.
“Këtu po kanë probleme partitë mes veti edhe është shumë tash këta duhet me jep një imazh të mirë tek te huajt me kallzu kush jemi cka kemi hjek”, theksoi Sadik Kallaba.
“Është kiamet kur njerëzit ulen në karriga me të meçme se vet, kjo është një pa përgjegjësi kur njerëzit nuk i intereson esenca për çka është i dedikum por vetëm si duket si po reflekton”, theksoi Nusret Simnica.
Ndryshe zgjedhjet e reja parlamentare do të ishin të katërtat brenda dy viteve në Kosovë.
