Gjykata Themelore në Pejë ka caktuar masën e paraburgimit për dy të dyshuarit që sulmuan fizikisht kryetarin e Pejës, Gazmend Muhaxherin.
Kështu ka bërë të ditur për teve1.info, zëdhënësja e Gjykatës Themelore në Pejë, Elzana Kastrati.
ADVERTISEMENT
“Ndaj të pandehurve në fjalë, është caktuar masa e paraburgimit në kohëzgjatje prej 1 muaji”, tha ajo.
Derisa gjatë ditës së djeshme ishte mbajtur seanca gjyqësore ku ndaj të dyshuarve ishte zgjatur masa e ndalimit edhe për 48 orë të tjera.
Sulmi fizik ndaj Muhaxherit ndodhi mëngjesin e së shtunës, derisa ky po dilte nga një kafiteri. Pas disa orëve kryetari i Pejës bëri të ditur se ishte në gjendje të mirë shëndetësore, ndërkohë që për sulmin ndaj tij reaguan figura të rëndësishme të vendit. /teve1.info/
