Gjykata Themelore në Gjakovë, me kërkesë të Prokurorisë , u ka caktuar nga një muaj paraburgim, dy personave të dyshuar per sulm ndaj pjestarëve të policisë, më 10 gusht në Gjakovë.
Sipas njoftimit, Gj.P. dhe P.I. në bashkëpunim kanë kryer veprat penale “Sulmi ndaj personit zyrtar” dhe ”Pengimi i personit zyrtar në kryerjen e detyrave zyrtare”.
Për shkak të rrezikut të arratisjes ose të ndikimit në dëshmitarë, gjyqtari i procedures paraprake, Drilon Haraçia, u ka caktuar atyre masën e paraburgimit, pas plotësimit të kushteve ligjore .
“Të pandehurit do të mbahen në paraburgim në kohëzgjatje prej një muaji, i cili do të llogaritet prej kohës së arrestimit më 10 gusht 2024 dhe do të zgjasë deri më 09 shtator 2024. Palët kanë të drejtën e ankesës ndaj këtij vendimi në Gjykatën e Apelit të Kosovës”, thuhet në njoftim.
