Kryetari i Aleancës për Ardhmërinë e Kosovës, Ramush Haradinaj ka thënë se është urgjente krijimi i institucioneve të Kosovës të dala nga zgjedhjet e 9 shkurtit.
Ai ka njoftuar se kjo ka qenë edhe njëra nga temat e diskutimit me të dërguarën e posaçme të Mbretërisë së Bashkuar për Ballkanin Perëndimor, Karen Pierce.
“Sot, në takim me të dërguarën e posaçme të Mbretërisë së Bashkuar për Ballkanin Perëndimor, Karen Pierce, diskutuam për zhvillimet aktuale në Kosovë dhe nevojën urgjente të konsolidimit të institucioneve demokratike, si dhe për integrimin euroatlantik”, ka shkruar Haradinaj në Facebook.
Ai ka felenderuar Mbretërinë e Bashkuar për përkushtimin ndaj Kosovës, duke thënë se roli i saj për lirinë e Kosovë dhe zhvillimin e saj ka qenë jetik.
