Kancelari gjerman, Olaf Scholz, gjatë vizitës së realizuar në Prishtinë në muajin qershor, pati paralajmëruar se në vjeshtë të këtij viti do ta riaktivizoi Procesin e Berlinit, nëpërmjet të cilit parashihet të përshpejtohet përafrimi i rajonit me BE-në.
Ndërkohë, nga një simpozium në Greqi, kryeministri i vendit Albin Kurti, propozoi fillimin e një nisme që ai e quajti si “Procesi i Berlinit 2.0”.
Njohësi i çështjeve politike, Visar Xani, thotë se propozimet si ky i Kurtit, vijnë për shkak të një sigurie të brishtë në rajon.
E për sigurinë në fjalimin e tij në Greqi ka folur ditë më parë edhe kryeministri Kurti, i cili tha se Ballkani, mund të jetë episodi i tretë i sulmit rus.
Ndërsa, eksperti i Sigurisë, Bedri Elezi thotë se sipas tij, pas Ukrainës, Rusia synon të sulmoi vendet për rreth saj që aspirojnë anëtarësimin në NATO.
Përveç mundësisë për një sulm direkt, bashkësia ndërkombëtare në vazhdimësi e ka ngritur shqetësimin për rritjen e ndikimit rus në Ballkan i cili do të shkaktonte trazira në rajon.
Raporti i gazetarit Valmir Gallopeni.