Pavarësisht sa kujdes bëjmë kur hamë, të gjithëve na ka ndodhur ndonjë “aksident” me ushqimin – një pikë salce domatesh që bie mbi bluzë, ose një copë ushqim që rrëshqet nga piruni dhe përfundon në këmishë.
Dhe po, njollat janë të pashmangshme!
Disa hiqen lehtë me një larje të shpejtë, por njollat e vajit janë më kokëfortat. Arsyeja është se vaji dhe uji nuk përzihen, ndaj larja e zakonshme shpesh nuk funksionon.
Por një grua në Instagram ndau një truk shumë të thjeshtë për t’i hequr njollat e vajit në vetëm pak sekonda – dhe të duhet vetëm një produkt që nuk kushton shumë.
Christina Marcano, e cila punon në industrinë e veshjeve prej më shumë se 20 vitesh, tregoi sekretin që e kishte mësuar nga punonjësit e fabrikave të rrobave:
“Kam një njollë vaji në këtë bluzë dhe nuk di nga më ka ardhur. Por ja çfarë bëj – thjesht hedh pak pluhur për bebe mbi njollë dhe e fërkoj me një pjesë të pastër të rrobash”.
Pas më pak se një minute, njolla ishte zhdukur plotësisht! Christina tha se mund ta vishte menjëherë bluzën, pa pasur nevojë ta lante – perfekte kur je me nxitim.
