Nëntë civilë, përfshirë dy fëmijë, u plagosën të martën nga një sulm ajror me dron izraelit në Libanin jugor, sipas Ministrisë së Shëndetësisë. Sulmi ndodhi në rrugën Mansouri-Majdal Zoun në distriktin Tyre, kur një dron goditi një motoçikletë, në shkeljen e fundit të marrëveshjes së armëpushimit.
Tre prej të plagosurve janë në gjendje të rëndë. Një organizatë lokale arsimore raportoi se sulmi ndodhi pranë një shkolle, duke shkaktuar frikë te nxënësit dhe mësuesit. Izraeli nuk ka dhënë ende një reagim zyrtar për incidentin, ka raportuar Anadoly.
Një armëpushim i pasigurt ka qenë në fuqi që nga nëntori, pas përshkallëzimit të dhunës midis Izraelit dhe Hezbollahut.
Autoritetet libaneze thonë se që nga ajo kohë ka pasur afro 3,000 shkelje nga Izraeli, përfshirë rreth 200 të vrarë dhe 500 të plagosur.
Sipas marrëveshjes, Izraeli duhej të tërhiqej nga Libani jugor deri më 26 janar, por afati u shty për në 18 shkurt për shkak të refuzimit të Izraelit për ta zbatuar tërësisht. Ai vazhdon të mbajë praninë ushtarake në pesë zona kufitare.
