Këtë e ka bërë të ditur Ministria e Drejtësisë përmes një njoftimi për media.
Nga MD-ja kanë njoftuar se ky bashkëpunim mes ministres së Drejtësisë, Albulena Haxhiut dhe homologut të saj nga Danimarka, i hap rrugë bashkëpunimit ndërmjet dy vendeve në avancimin e shërbimeve korrektuese.
“Ministrja e Drejtësisë në Qeverinë e Republikës së Kosovës, Albulena Haxhiu dhe homologu i saj, nga Qeveria e Mbretërisë së Danimarkës, Nick Haekkerup, sot nënshkruan Traktatin i cili i hapë rrugë bashkëpunimit ndërmjet dy vendeve në avancimin e shërbimeve korrektuese, sikurse edhe përkrahjen e projekteve për energji të gjelbër si dhe promovimin e sundimit të ligjit, demokracisë dhe të drejtave të njeriut ndërmjet dy vendeve”, thuhet në njoftim.
Sipas MD-së, nënshkrimi i Traktatit pason nënshkrimin e letër-qëllimeve ndërmjet ministrave të drejtësisë dhe ekonomisë së të dy vendeve me datën 21 dhjetor 2021.
“Nënshkrimi i Traktatit pason nënshkrimin e letër-qëllimeve ndërmjet ministrave të drejtësisë dhe ekonomisë së të dy vendeve me datën 21 dhjetor 2021, i cili shprehë përkushtimin për zgjerimin e bashkëpunimit politik dhe zhvillimor, duke nxitur dhe thelluar tutje partneritetin ndërmjet dy vendeve, në fusha me interes të përbashkët”, është bërë e ditur në komunikatën e Ministrisë së Drejtësisë. /teve1.info/
