Prej vitesh, e kishte vetëm një dëshirë, që emri i djalit të saj të mos harrohej.
Sot, kjo dëshirë nënë Vahides iu përmbush.
Në vendin ku ra heroikisht Ali Ajeti, u përurua pllaka përkujtimore në nderim të tij.
Nënë Vahidja ishte e para që u ul në vendin e nderit.
“E lumtur jam e inshaAllha gjaku i tyre nuk humb e faleminderit shume per krejt ata qe kanë dhënë gjak. Ka nënë që ka mbet pa hiç po edhe ajo le te bën gajret sa te mundet”.
Pllakës iu gëzuan edhe familjarë të tjerë.
“Falë bujarisë dhe përkushtimit të bizneseve dhe të komunës u bë i mundur realizimi i këtij projekti madhështor, i cili tashmë qëndron si një simbol i përjetshëm i lavdisë, sakrificës dhe qëndresës së popullit tonë.Kontributi juaj është dëshmi e qartë e respektit që ju tregoni për të kaluarën dhe vlerat tona kombëtare, duke u siguruar që sakrifica e heronjve të mos harrohet kurrë”, tha familjari, Isa Ajeti.
E një falënderim e pati edhe Ismet Abdullahu, shok lufte i Ali Ajetit.
“Unë ju falënderoj të gjithëve për këtë investim, të gjithë ata që kontribuuan që të ngrihet pas 27 viteve një pllakë përkujtimore në momentin ku ka ndërruar jetë Aliu. Qofshin kujtimet e përjetshme për të gjithë brezat që vijnë! Qoftë e ardhmja më e bukur dhe më e ndritshme për dëshmorët të cilët dhanë lirinë edhe gjakun për këtë vend”.
Kontribut në ndërtimin e obeliskut dha edhe komuna e Podujevës.
Pllaka përkujtimore është rindërtuar sërish, pasi disa herë u demolua.
37 vjet më parë, vrasja e Ali Ajetit ndodhi në një periudhë të tensionuar, kur shqiptarët e Kosovës po kundërshtonin ashpër shtypjen e regjimit serb.
