Një punonjëse e një marketi në Prishtinë ka raportuar në polici se dy persona duke e kanosur me thikë ia kanë grabitur një shumë të parave nga arka e marketit.
Rasti dyshohet se ka ndodhur mbrëmjen e të shtunës në rrugën “Mujë Krasniqi”.
“Rr. Mujë Krasniqi, Prishtinë/16.11.2024-22:10. Derisa ankuesja f/k ishte duke punuar në një market, dy të dyshuar duke e kanosur atë me një mjet të mprehtë (thikë), nga arka e marketit ia kanë marrë një shumë parash dhe janë larguar nga vendi i ngjarjes. Rasti është duke u hetuar nga njësitet kompetente policore”, thuhet në raport.
