Shpesh e viziton këtë shtëpi.
Ani pse ka dy vite që nuk e ka parë Jakup Krasniqin, kushëriri i tij, Shefqeti vjen tek shtëpia e ish zëdhënësit të Ushtrisë Çlirimtare të Kosovës për tu çmallur duke kujtuar bisedat me të.
Kështu bëri edhe në ditën kur nisi gjykimi ndaj Krasniqit në Hagë.
Duke kujtuar momentet me të e përshkroi ish krye kuvendarin si njeri të urtë.
“Jakupi ka qenë pak i rujtshëm, pak i mbylltë, se e ka ditë që nuk i ka besua rrethit bash sa duhet. Edhe qashtu i dul”, tha familjari i tij, Shefqet Krasniqi.
Ky thotë që Krasniqi po mbahet në Hagë padrejtësisht.
“Në Hagë janë padrejtësisht. Pushtuesi është në shtëpi, e UÇK-ja po dihet i ki shumicën në Hagë”, tha ai.
E porositë që i morën në kohë lufte nga bashkëfshatari i tyre, Jakup Krasniqi, nuk i harrojnë banorët e Negrocit.
Ish-bashkëluftëtari i Jakup Krasniqit, Latif Krasniqi, kujton kohën kur krah për krah luftoi me ish-zëdhënësin e Ushtrisë Çlirimtare të Kosovës.
“Ka qenë i sjellshëm me të gjithë edhe gjithmonë na ka mësuar që ne duhet ta duam atdheun dhe do ta mbrojmë deri në pikën e fundit. Sa i përket gjykimit në Hagë, është një gjykim i padrejtë”, tha ai.
Kurse, një tjetër bashkëfshatar i Krasniqit e ka të vështirë ta besoj faktin që ndaj ish-zërit të UÇK-së, është ngritur aktakuzë për krime lufte.
“Për neve si bashkëfshatarë të Jakup Krasniqit, Gjykata e Hagës është e padrejtë, sikur kështu mendojnë edhe krejt shqiptarët dhe kështu do të jetë deri në fund. Sa e sa vite sa vuajtje sa vrasje ndodhën, sa masakra janë bo, bile është turp edhe me i maj”, tha Fehmi Kransiqi, bashkeluftwtar i Jakup Krasniqit.
Jakup Krasniqi, akuzohet bashkë me Thaçin, Veselin e Krasniqin nga Dhomat e Specpializuara dhe Zyra e Prokurorit të Specializuar në Hagë për krime lufte dhe krime kundër njerëzimit.
Kronika e gazetares Albiona Hajdari.
