Pavarësisht faktit se ka përfunduar periudha transitore e Bankës Qendrore të Kosovës për përdorimin e dinarit serb, qytetarët në veri akoma po e përdorin këtë valutë për të kryer pagesa.
Megjithatë disa prej qytetarëve serb thonë se nuk e kanë problem ta përdorin edhe valutën euro vetëm që gjërat të funksionojnë.
Në këtë ditë të nxehtë po freskohet më një akullore të cilën e pagoi me dinarë.
Pavarësisht faktit se ka përfunduar periudha transitore e Bankës Qendrore të Kosovës rreth dinarit serb, qytetarët serb akoma po e përdorin këtë valutë.
Samo Bobo, i cili jeton në Mitrovicën e Veriut thotë se kjo monedhë ende po qarkullon, madje tregon se e nxjerr pagën nga Serbia me dinarë.
“Do të më duhet të nxjerr pagën në Serbi, çka të bëj?! Ende përdoret. S’ka tjetër”, tha qytetari Samo Boba.
Kurse, Daniela Tomaseviq, tregon se përveç dinarit tani e përdor edhe euron.
“Për momentin, përdorim edhe dinarin, edhe euron. Për momentin ende paguhet në dinarë, por si do të bëhet në të ardhmen, nuk e di”, deklaroi qytetarja Daniela Tomaseviq.
Disa ta tjerë kërkojnë që thjesht gjërat të funksionojnë pa ndonjë problem, pavarësisht se cila valutë do të përdoret.
“Në Mitrovicë, për momentin funksionon dinari, çka po di unë. Kryesisht dinari. Paguhet edhe në euro, edhe në dinar. E tash, me këtë të rejën, nuk e kam idenë si do të bëhet. Me rëndësi është të funksionojë normalisht, mos të ketë ndikim në punë. Për gjithçka tjetër, le të merren vesh Vuçiçi dhe Kurti”, tha qytetari Zlatan Mihajloviq.
Por ka edhe prej tyre që po përdorin vetëm dinarin.
“Po, po, dinarin po e përdorim”, u shpreh një qytetar.
“Vetëm dinarin”, deklaroi një qytetar tjetër.
Banka Qendrore e Kosovës ka bërë publike aktivitetet e realizuara gjatë periudhës transitore që ka zgjatur tre muaj lidhur me njoftimin për rregulloren e re, e cila ndalon qarkullimin e valutave tjera përpos euros në territorin e Kosovës.
Në një komunikatë për media BQK, ka bërë të ditur se janë licencuar disa degë të institucioneve financiare në komunat me shumicë serbe.
