Sipas kryetares së Grupit Parlamentar të Vetëvendosjes, Mimoza Kusari-Lila, në seancë do të ketë debat parlamentar për dialogun Kosovë-Serbi, shkruan Tëvë1.info
Kërkesa është bërë nga Aleanca për Ardhmërinë e Kosovës, kështu u deklarua në një konferencë për medie Mimoza-Kusari pas mbledhjes së kryesisë.
Në këtë seancë pritet të ratifikohen dy marrëveshje mes Kosovë dhe Shqipërisë, po ashtu shqyrtimi i dytë i projektligjit për ndryshimin dhe plotësimin e Ligjit për shitjen e banesave, shqyrtimi i parë i projektligjit për TVSH-në, shqyrtimi i parë të projektkodit civil të Kosovës, shqyrtimi i parë i projektligjit për Qeverinë e Kosovës etj. Këto janë pikat e rendit të ditës që u propozuan dhe u miratuan për seancën e radhës këtë të enjte.
