Kolektivi për mendim dhe veprim feminist ka mbajtur sot para Pallatit të Drejtësisë protest për të kundërshtuar vendimin e Gjykatës së Apelit që të rikthehet në gjykim rasti i vrasjes së Marigona Osmanit.
Sipas njoftimit, shihet si e rerzikshme dhe shqetësuese praktika e institucioneve që t’i neglizhojnë rastet e dhunës dhe femicidit deri në pikën kur ato zvarriten nga gjykata në gjykatë, pa arritur drejtësinë.
“Sot u bëmë bashkë aktiviste e aktivistë dhe protestuam kundër vendimit të Gjykatës së Apelit për ta kthyer rastin e vrasjes së Marigona Osmanit në pikën zero. Ne e vlerësojmë si të rrezikshme dhe shqetësuese këtë praktikë të institucioneve që t’i neglizhojnë rastet e dhunës së gjinizuar dhe femicidit deri në pikën kur ato zvarriten nga gjykata në gjykatë, pa arritur drejtësinë. Këtë patriarkalitet dhe joseriozitet të gjykatave i cili o bëhet në kurrizin e grave, ne do ta luftojmë sot e çdo ditë dhe do i dalim krah njëra-tjetrës, gjallë a vdekur. Deri sa të ketë drejtësi për Marigonën. Deri sa të ketë drejtësi për çdo grua”, thuhet në njoftim./teve1.info./