Prokuroria Speciale ka njoftuar se është arrestuar S.S i dyshuar për krime lufte ndaj popullatës civile në komunën e Vushtrrisë.
I dyshuari sipas njoftimit është arrestuar nga Policia e Kosovës në pikën kufitare të Republikës së Kosovës me Serbinë në Merdare.
Ndaj tij është caktuar masa e ndalimit për 48-orë.
Nën dyshimet për krime lufte, Prokuroria Speciale e Kosovës ka ndaluar për 48 orë personin me inicialet S.S. .Policia e Kosovës, përkatësisht hetuesit policorë nga Drejtoria për Hetimin e Krimeve të Luftës, kanë arrestuar S.S., në pikën kufitare të Republikës së Kosovës me Serbinë në Merdare, dhe në bashkëpunim me Prokurorinë Speciale janë duke i ndërmarrë të gjitha veprimet e nevojshme hetimore, në përputhje me Kodin e Procedurës Penale.
Brenda afatit të përcaktuar ligjor, ndaj S.S do të parashtrohet kërkesë për caktimin e masës së paraburgimit në Gjykatën Themelore në Prishtinë./teve1.info/
