Në gjashtë Qendra të Mjekësisë Familjare në Prishtinë, do të bëhet ultrazëri i barkut nga specialistët.
Kështu ka bërë të ditur, Kryetari i Prishtinës, Përparim Rama, teksa ka shkruar se doktorët tashmë janë duke u trajnuar, përcjell teve1.info.
“Më s’do të keni nevojë të shkoni në Emergjencën e QKUK-së për një ultrazë, këtë do ta bëjmë në Qendrat e Mjekësisë Familjare në Prishtinë. Në gjashtë Qendra të Mjekësisë Familjare në kryeqytet do të bëhet ultrazëri i barkut nga specialistët e mjekësisë familjare. Doktorët tanë janë duke u trajnuar, dhe më pas fillojmë me realizimin e ultrazërave të barkut, në QMF-të në lagjet “Dardania”, “Bregu i Diellit”, “Kodra e Trimave”, “Qendrën Kryesore të Mjekësisë Familjare”, QMF në rrugën “Bajram Bahtiri” dhe në Qendrën e Mjekësisë Urgjente”, ka shkruar Rama në Facebook./teve1.info/.