Me rastin e 40-vjetorit të përkthimit në gjuhën shqipe të Kuranit fisnik, Kryesia e Bashkësisë Islame të Kosovës ka organizuar Akademinë solemne me temën “40-vjet nga botimi i shqipëruar i Kuranit fisnik”.
Në këtë ngjarje të rëndësishme fetare dhe kulturore morën pjesë përfaqësues të institucioneve fetare, akademikë, studiues dhe besimtarë nga e gjithë Kosova.
I pranishëm në Akademi ishte edhe përkthyesi i parë i Kuranit në gjuhën shqipe, akademik Feti Mediu, i cili shprehu emocionet e tij për këtë përvjetor të veçantë.
“Ka dashtë Zoti që edhe unë ta pres këtë përvjetor,” tha akademik Mediu, duke theksuar rëndësinë shpirtërore dhe kulturore që ka përkthimi i Kuranit për gjuhën shqipe dhe për besimtarët myslimanë.
Gjatë Akademisë, një moment i veçantë ishte ai kur organizatorët e befasuan akademikun Mediu duke i dhuruar një kopje origjinale të Kuranit që ai kishte përkthyer dhe botuar për herë të parë para 40 vjetësh.
Ky gjest simbolik u prit me shumë emocione nga Mediu, i cili e cilësoi si një nga momentet më domethënëse të jetës së tij.
