Kryebashkiaku i Nju Jorkut, Zohran Mamdani, dënoi sulmet amerikane dhe izraelite ndaj Iranit dhe siguroi banorët iranianë të qytetit se do të jenë të sigurt.
“Sulmet ushtarake të sotme ndaj Iranit – të kryera nga Shtetet e Bashkuara dhe Izraeli – shënojnë një përshkallëzim katastrofik në një luftë të paligjshme agresioni. Bombardimi i qyteteve. Vrasja e civilëve. Hapja e një teatri të ri lufte. Amerikanët nuk e duan këtë. Ata nuk duan një luftë tjetër në ndjekje të ndryshimit të regjimit. Ata duan lehtësim nga kriza e përballueshmërisë. Ata duan paqe”, shkroi Mamdani nw njw postim nw rrjetet sociale.
Ai siguroi banorët iranianë të qytetit se do të jenë të sigurt.
“Do të jeni të sigurt këtu. Ju jeni fqinjët tanë, pronarët e bizneseve të vogla, studentët, artistët, punëtorët dhe udhëheqësit e komunitetit. Do të jeni të sigurt në Nju Jork”, shtoi ai.
Mamdani poashtu theksoi se qyteti po merr masa proaktive për të mbrojtur komunitetin dhe për të rritur koordinimin ndërmjet agjencive të sigurisë dhe emergjencave, duke forcuar patrullat në zonat e ndjeshme.
