Lidhja në mes shëndetit dhe ushqimit të mirë tashmë është e vërtetuar.
Interesi për të ushqyerit dhe ndikimi i tij në përformancën sportive është një shkencë në vete.
Pavarësisht nëse jeni një atlet konkurrues, një lojtar sportiv i fundjavës ose një ushtrues i përkushtuar i përditshëm, themeli për përmirësimin e performancës është një dietë ushqimore e përshtatshme.
Këto janë disa këshilla për sportistët nga Fati Taraku – nutricist
Ushqyerja është thelbësore për të mbështetur shëndetin e përgjithshëm të një atleti dhe nevojat e tyre stërvitore.
Një dietë e përshtatshme i siguron një personi energji dhe lëndë ushqyese, të mjaftueshme për të përmbushur kërkesat e stërvitjes. Përveçse ndihmon një person të performojë në mënyrë optimale, lehtëson edhe nevojat e pushimit.
Atletët mund të kenë nevojë të marrin në konsideratë:
1. Nevojat e tyre për kalori,
2. Sasitë dhe raportet e makronutrientëve,
3. Oraret e vakteve dhe ushqimet e rëndësishme para lojrave ose ushtrimeve,
4. Vitamina dhe minerale për rikuperim të përformancës dhe hidratimin
Ndeshjet e gjata, përformancat në stërvitje dhe një orar mjaft të dendur bëjnë që një sportist ta ketë një jetsë mjaft të organizuar. Ku në këtë pjesë luan rol të rëndësishëm ushqimi dhe mënyra e marrjeve të lengjëve në kohë dhe në mënyrë të caktuar.
Ushqyerja e mirë për një sportist mund të bëjë diferencën si në aspektin fizik edhe po ashtu në atë mendor, ushqyerja e duhur mundeson një përformancë atletike sa më të mire dhe me plot energji.
Të rriturit aktiv dhe atletët konkurrues i drejtohen ushqimit sportiv për t’i ndihmuar që ata të arrijnë qëllimet e tyre.
Shembuj të qëllimeve individuale mund të përfshijnë fitimin e masës së dobët, përmirësimin e përbërjes së trupit ose rritjën e përformancës atletike.
Energjia e nevojshme për jetën dhe aktivitetin fizik vjen nga ushqimi që përdorim dhe marrja e lëngjëve. Makronutrientët në grupet e mëposhtme ushqimore furnizojnë energjinë thelbësore për funksionimin optimal./Tëvë1/