Sulmuesi Fisnik Asllani ka pasur kampanjë të suksesshme me Hoffenheimin deri tani këtë edicion, duke i shënuar shtatë gola në 21 paraqitje.
23-vjeçari Asllani i ka edhe gjashtë asistime, ndërsa kontributi i tij vlerësohet i madh në sukseset e Hoffenheimit.
Hoffenheimi të dielën nga ora 17:30 luan në udhëtim te Bayern Munichu. Bayerni është njëra prej ekipeve të mëdha që është interesuar për Asllanin, sipas mediumeve gjermane. Për Asllanin, interesim ka shprehur edhe Borussia Dortmundi.
Kjo është konfirmuar edhe nga mediumi “T-Online” të premten, ndërsa për interesimin e dy gjigantëve gjermanë për Asllanin ka folur edhe ndihmëstrajneri i Hoffenheimit, Moritz Volz.
“Fisniku është djalë i jashtëzakonshëm dhe me të vërtetë lojtar fantastik. Kënaqesh duke e parë jo vetëm në ndeshje, por edhe në stërvitje. Megjithatë, prioriteti i tij është që të kalojë formë sa më të mirë në Bundesligë dhe me përfaqësuesen. Më pas do të shohim. Fokusi jonë është që ta vazhdojmë punën me Fisin për potencialin që e ka. Deri tani ka shfaqur potencial të madh për moshën që e ka. Por, ka ende shumë hapësirë për zhvillim dhe për përmirësim”, ka deklaruar Volz në intervistën dhënë mediumit gjerman.
Te Hoffenheimi në mbrojtje paraqitjet Albian Hajdari, kurse në mesfushë, Leon Avdullahu. Edhe Hajdari e Avdullahu e përfaqësojnë Kosovën.
Hoffenheimi është në pozitën e tretë pas 20 ndeshjeve me 42 pikë, ndërsa lider është Bayern Munichu me 51 pikë.
