Është momenti për të vajtuar. Në shenjë respekti për Madhërinë e Saj, Mbretëresha Elizabeth II, shtyhen të gjitha ndeshjet e fundjavës në Premier League.
Mëngjesin e sotëm u zhvillua një takim mes drejtuesve të Premier League-s dhe megjithëse Qeveria kishte njoftuar se nuk ekzistonte asnjë detyrim ligjor për të anuluar ndeshjet, u mor vendimi për të mos zbritur në fushë, në shenjë nderimi për Mbretëreshën, e cila ndërroi jetë dje në moshën 96-vjeçare.
Buckingham Palace konfirmoi në një deklaratë se Madhëria e Saj Elizabeth II, monarkja më jetëgjatë në historinë britanike, kishte ndërruar jetë paqësisht në Balmoral.
